Hazaragi | هزارگی

خدمات ایمرجنسی ایالتی (SES) یک سازمان داوطلبانه استه که می تینه شیموره د یک ایمرجنسی سیل یا طوفان کمک کنه. شیمو لازم نیسته که بلده ازی خدمت پیسه پرداخت کنید.

اگه از تلفون خو د شماره 500 132 زنگ ده اید، اگه د خانه شیم سیل امده شه یا طوفان خراب کیده شه نفرایی داوطلب SES د خانه شیم مه یَن. درخواست یک ترجمان هم کیده می تنید. داوطلبای SES همیشه کالای نارنجی موپشَن. اونا د کمک کدو د وقتایی ایمرجنسی سیل و طوفان تجربه دیرن.

بلده مالومات غدرتر د باره ازیکه چی رقم فامیل و خانه خوره بلده سیل و طوفان آماده کنید قسمت پایین ره توغ کید.

اگه ای مالومات ره نه موفامید، از یک عضو فامیل، رفیق یا همسایه خو کمک بیگرید.

پیامای عمومی

وضعیتای ایمرجنسی می تینه هر وقت د هر جای اتفاق بوفته.

وقتیکه بلده ایمرجنسی خود خوره آماده مونید، می تنید تاثیر ایمرجنسی ره کمتر کیده، و باد ازو زودتر بهبود پیدا کنید.

مو می خوایی یقین خوره ثابت کنی که تمام ویکتوریایی ها آماده باشه و بوفامن که اگه منطقایی نزدیک شی از خاطر سیل و طوفان ضرر بینگرنه باید چیز کار کنه.

اگه د یک ترجمان ضرورت دیرید که قد وضعیت ایمرجنسی کمک کنه، خدمات ترجمانی شفاهی و کتبی ره د شماره 450 131 (خدمات مفت) زنگ زیده و ازونا بخوایید که د خط کمکی VicEmergency د شماره (226 226 1800) زنگ ده یه.

اگه اگو کس ره می شناسید که انگلیسی توره گفته نمی تینه، امی نمبر ره بلده شی بی دید.

باد از یک ایمرجنسی هم احتیاط کید، بخاطریکه خطر هنوزم شاید موجود باشه.

شاید بلده شیم هنوزم خطر دشته شه که دوباره د خانه خو یا سر کار خو بورید.

باخبر بومنید - از طریق خط کمکی VicEmergency (1800 226 226) یا د وب سایت VicEmergency به نشانی - https://emergency.vic.gov.au/respond اخطارای سیل و طوفان ره نظارت کید.

مخصوص طوفان

طوفان می تینه هر وقت د هر جای روخ بیدیه.

طوفان می تینه قد خو باد قوی، سیل ناگهانی، زاله کلان و رعد و برق بَیره.

طوفان می تینه خساره کلان وارد کنه و زندگی شیم ره د خطر مواجه کنه.

اگه د یک ترجمان ضرورت دیرید که قد وضعیت ایمرجنسی کمک کنه، خدمات ترجمانی شفاهی و کتبی ره د شماره 450 131 (خدمات مفت) زنگ زیده و ازونا بخوایید که د خط کمکی VicEmergency د شماره (226 226 1800) زنگ ده یه.

اگه لازم شونه که تخلیه کنید، برنامه ریزی کید که چیز کار مونید و چی چیز ره قد خو موبرید.

د باره طریقه آماده کدون خانه و/یا محل کار خو، و کارایی که باید د وقت یک طوفان انجام بدید از وب سایت VICSES مالومات پیدا کید - www.ses.vic.gov.au