Karen S'gaw | ကညီ

ကီၢ်စဲၣ်ဂ့ၢ်ဂီၤအူတၢ်မၤစၢၤအတၢ်ဖံးတၢ်မၤ (State Emergency Service, SES) မ့ၢ်ကရၢမုာ်သးမၤကလီတၢ်တဖုလၢအမၤစၢၤနၤဖဲထံဒိၣ်မ့တမ့ၢ်ကလံၤမုၢ်လီၤအဂ့ၢ်ဂီၤအူတၢ်ကဲထီၣ်သးတခါကဲထီၣ်အကတီၢ်န့ၣ်သ့လီၤ. လၢတၢ်မၤစၢၤတခါအံၤအဂီၢ်နတလိၣ်ဟ့ၣ်ဘူးလဲဘၣ်.

ဖဲနမ့ၢ်ကိး၀ဲဒၣ် 132 500 ဒီးနလီတဲစိန့ၣ်, ပှၤမုာ်သးမၤကလီတၢ်လၢ SES တဖၣ်ကဟဲဆူနဟံၣ်ဖဲနဟံၣ်ထံလုၢ်ဘၢအီၤမ့တမ့ၢ်ဟးဂီၤမ့ၢ်လၢကလံၤမုၢ်လီၤအဃိန့ၣ်လီၤ. နဃ့န့ၢ်ပှၤကတိၤကျိးထံတၢ်တဂၤသ့စ့ၢ်ကီးလီၤ. SES ပှၤမုာ်သးမၤကလီတၢ်တဖၣ်ထီဘိန့ၣ်ကူသိး၀ဲဒၣ်တၢ်ကူတၢ်သိးအလွဲၢ်တဃ့ၢ်သၣ်န့ၣ်လီၤ. အ၀ဲသ့ၣ်အိၣ်ဒီးတၢ်လဲၤခီဖျိလၢတၢ်မၤစၢၤတၢ်ဖဲထံဒိၣ်ဒီးကလံၤမုၢ်လီၤဂ့ၢ်ဂီၤအူတၢ်အိၣ်သးတဖၣ်အဂီၢ်န့ၣ်လီၤ.

၀ံသးစူၤကွၢ်ဘၣ်တၢ်ဂ့ၢ်တၢ်ကျိၤဆူညါဘၣ်ဃးမ့ၢ်နကကတဲာ်ကတီၤနဟံၣ်ဖိဃီဖိဒီးနဟံၣ်နဃီဖဲထံဒိၣ်ဒီးကလံၤမုၢ်လီၤအခါကသ့ဒ်လဲၣ်အဂ့ၢ်လၢအအိၣ်လၢလာ်အံၤတက့ၢ်.

ဖဲနမ့ၢ်တနၢ်ပၢၢ်၀ဲဒၣ်တၢ်ဂ့ၢ်တၢ်ကျိၤတခါအံၤအခါ, သံကွၢ်ဟံၣ်ဖိဃီဖိ,တံၤသကိးမ့တမ့ၢ်ဟံၣ်ခိၣ်ဟံၣ်ဃၢၤလၢတၢ်မၤစၢၤအဂီၢ်တက့ၢ်

တၢ်ကစီၣ်ထီရီၤ

ဂ့ၢ်ဂီၤအူတၢ်ကဲထီၣ်သးတဖၣ်န့ၣ်ကဲထီၣ်လၢတၢ်လီၢ်တတီၤလၢ်လၢ်လၢတၢ်ဆၢကတီၢ်တခါလၢ်လၢ်န့ၣ်သ့လီၤ.

ခီဖျိတၢ်အိၣ်ကတဲာ်ကတီၤပာ်သးလၢဂ့ၢ်ဂီၤအူတၢ်ဂ့ၢ်တဖၣ်အဂီၢ်အဃိ, နမၤစှၤလီၤတၢ်ဘၣ်ဒိဘၣ်ထံးလၢအကဲထီၣ်ခီဖျိဂ့ၢ်ဂီၤအူတၢ်အိၣ်သးတခါအဂီၢ်သ့၀ဲဒၣ်ဒီးမ့ၢ်ကဲထီၣ်အလီၢ်ခံနတၢ်အိၣ်သးဂ့ၤထီၣ်က့ၤချ့ချ့သ့၀ဲဒၣ်န့ၣ်လီၤ.

ပအဲၣ်ဒိးမၤလီၤတံၢ်လၢပှၤဘံးထိရံယါဖိခဲလၢာ်န့ၣ်အိၣ်ကတဲာ်ကတီၤပာ်အသးဒီးသ့ၣ်ညါမ့ၢ်အကဘၣ်မၤတၢ်မနုၤလဲၣ်ဖဲ တၢ်လီၢ်လၢအဘူးဒီးအ၀ဲသ့ၣ်မ့ၢ်ဘၣ်ဒိဘၣ်ထံးဒီးကလံၤမုၢ်မ့တမ့ၢ်ထံဒိၣ်တဖၣ်အခါန့ၣ်လီၤ.

ဖဲနမ့ၢ်လိၣ်ဘၣ်ပှၤကတိၤကျိးထံတၢ်တဂၤလၢကမၤစၢၤနၤဃုာ်ဒီးဂ့ၢ်ဂီၤအူတၢ်ကဲထီၣ်သးအတၢ်ဂ့ၢ်တၢ်ကျိၤန့ၣ်, ကိးဘၣ်တၢ်ကျိးထံဒီးတၢ်ကတိၤကျိးထံအတၢ်မၤစၢၤအတၢ်ဖံးတၢ်မၤလၢ 131 450 (တၢ်ကိးကလီ) ဒီးမၢအ၀ဲသ့ၣ်ကိးန့ၢ်နၤဒီး VicEmergency အလီကျိၤလၢအမ့ၢ် (1800 226 226) န့ၣ်တက့ၢ်.

ဖဲနမ့ၢ်သ့ၣ်ညါပှၤတဂၤဂၤလၢအကတိၤအဲးကလံးအကျိာ်မ့ၢ်တသ့ဘၣ်န့ၣ်, ဟ့ၣ်ဘၣ်အီၤဒီးလီတဲစိနီၢ်ဂံၢ်တဖျၢၣ်အံၤတက့ၢ်.

ပလီၢ်ပဒီသးဖဲဂ့ၢ်ဂီၤအူတၢ်ကဲထီၣ်သးတခါ၀ံၤအလီၢ်ခံ,မ့ၢ်လၢတၢ်လီၤပျံၤတဖၣ်အိၣ်ဒံး၀ဲဒၣ်သ့အဃိန့ၣ်လီၤ.

တၢ်ကက့ၤကဒါဆူနဟံၣ်မ့တမ့ၢ်နတၢ်မၤအလီၢ်န့ၣ်ဘၣ်တဘၣ်တပူၤဖျဲးဒံးဘၣ်.

မၤသ့ၣ်ညါနသးတက့ၢ်-ကွၢ်ဟုၣ်ဘၣ်ကလံၤမုၢ်ဒီးထံဒိၣ်အတၢ်ဟ့ၣ်ပလီၢ်လၢအအိၣ်လၢ  VicEmergency အလီကျိၤ (1800 226 226) မ့တမ့ၢ်လၢအအိၣ်လၢ VicEmergency အပှာ်ယဲၤသန့ - https://emergency.vic.gov.au/respond/အလိၤတက့ၢ်.

ကလံၤမုၢ်တၢ်အိၣ်သးလီၤလီၤဆီဆီ

ကလံၤမုၢ်န့ၣ်ကဲထီၣ်အသးလၢတၢ်လီၢ်တတီၤလၢ်လၢ်ဒီးလၢတၢ်ဆၢကတီၢ်တဘျီလၢ်လၢ်န့ၣ်သ့လီၤ.

အ၀ဲသ့ၣ်ဟဲစိာ်ဃုာ်ကလံၤအူတၢ်လၢအဆူၣ်,ထံဒိၣ်လီၤ, တၢ်စူၤလီၤဒီးသူၣ်အဖျၢၣ်လၢအဒိၣ်ဒီးလီ၀ၢ်ဒံးတဖၣ်န့ၣ်လီၤ.

အ၀ဲသ့ၣ်ဒုးကဲထီၣ်တၢ်ဟးဂီၤအဒိၣ်အမုၢ်ဒီးမၤကဲထီၣ်တၢ်လီၤပျံၤလၢနသးသမူအဂီၢ်သ့လီၤ.

ဖဲနမ့ၢ်လိၣ်ဘၣ်ပှၤကတိၤကျိးထံတၢ်တဂၤလၢကမၤစၢၤနၤဃုာ်ဒီးဂ့ၢ်ဂီၤအူတၢ်ကဲထီၣ်သးအတၢ်ဂ့ၢ်တၢ်ကျိၤန့ၣ်, ကိးဘၣ်တၢ်ကျိးထံဒီးတၢ်ကတိၤကျိးထံအတၢ်မၤစၢၤအတၢ်ဖံးတၢ်မၤလၢ 131 450 (တၢ်ကိးကလီ) ဒီးမၢအ၀ဲသ့ၣ်ကိးန့ၢ်နၤဒီး VicEmergency အလီကျိၤလၢအမ့ၢ် (1800 226 226) န့ၣ်တက့ၢ်.

ဖဲနမ့ၢ်ကဘၣ်ဃ့ၢ်ပူၤဖျဲးကွံာ်နသးအခါ,ရဲၣ်ကျဲၤပာ်တၢ်လၢနကမၤအီၤမ့ၢ်မနုၤလဲၣ်ဒီးနကစိာ်ဃုာ်တၢ်မနုၤလဲၣ်န့ၣ်တက့ၢ်.

ဃုသ့ၣ်ညါအါထီၣ်ဘၣ်ဃးမ့ၢ်တၢ်ကအိၣ်ကတဲာ်ကတီၤပာ်နဟံၣ်ဒီး,မ့တမ့ၢ်နတၢ်ဖံးတၢ်မၤအလီၢ်,ဒီးဖဲကလံၤမုၢ်လီၤအခါဘၣ်မၤတၢ်မနုၤလဲၣ်ဖဲ VICSES အပှာ်ယဲၤသန့ – www.ses.vic.gov.au န့ၣ်တက့ၢ်.